الذكاء الاصطناعي هيوفرلك 90 % من وقتك

اغلب متابعيني عارفين قد ايه انا بحب اطوع التكنولوجيا عشان تنجزني في الشغل بالذكاء الاصطناعي

‏𝐍𝐚𝐦𝐞𝐥𝐢𝐱

‏https://namelix.com/

الموقع ده هيساعدك لو انت محتار في اسم لشركتك الجديدة او متجرك او حتي محلك او مطعملك تقدر في ثواني تكتب بعض الكلمات اللي تعبر عن فكرتك والدايركشن اللي انت محتاج بيه الاسم هل اسم مركب او اسم مختصر او كلمة تعبرية او جملة وفي ثواني هيرشحلك اسامي كتبر تختار بينهم

‏𝐇𝐮𝐞𝐦𝐢𝐧𝐭

‏https://huemint.com/

الموقع ده بيقدم حل مرتبط شوية بالموقع الاول بمجرد ما تحدد الاسم بتاع البيزنس تقدر تستعين بالموقع ده عشان يرشحلك باليت الالوان المتناسقة والمتناسبة مع البيزنس بتاعها وهيظهرلك كمان لما تطبق شكلها هيبقي عامل ازاي في ثواني يا حبيبنا

‏𝐋𝐨𝐨𝐤𝐚

‏https://looka.com/

لو ميزانيتك علي قدها ولسه بتبني البيزنس بتاعك واخترت الاسم والالوان متدوخش نفسك مع المصممين اعتبر الموقع مصممك الشهصي هيعملك اللوجو وهيفرجك علي تطبيقاته ويطلعلك كافة انواع الملفات وهيخرجلك البراند كامل وتصاميم مقترحة للسوشيال ميديا

‏𝐑𝐲𝐭𝐫

‏https://rytr.me/

اداة هتساعدك في كتابة اي نوع من المحتوي بالاسلوب اللي تختاره وباللغة اللي تختارها وتقدر تكتب بيه كل الورقيات والايميلات وفكرة مشروعك وحتي الوصف الوظيفي والبيو وعلي فكرة بيدعم اللغة العربية جربه وهتدعيلي

‏𝐂𝐥𝐞𝐚𝐧𝐮𝐩

‏https://cleanup.pictures/

الموقع ده يا خبيبنا انا بسميه استيكة الديجيتال اي صوره عايز تستخدمها سواء شخصي او لو صور منتجات متجرك وعايز تمسح جزء من الصورة بدون ما تتغير ، حتي لو عايز تشيل الاكس نفسها من الصوره احب اقولك سهلة

‏𝐒𝐮𝐩𝐞𝐫𝐦𝐞𝐦𝐞

‏https://www.supermeme.ai/

واخيرا الذكاء الاصطناعي يستره عملنا موقع للميمز اللي كلنا بنحبها عشان نصمم ميمز نستخدمها في التسويق للبراند في ثواني واتمني يبقي في موقع بنفس الفكرة بالميمز العربي بتاعتنا

By : Ahmed Ayad